काठमाडौं । भन्सार एजेन्टको लिखित परीक्षाको नतिजा सार्वजनिक भएको छ । लोकसेवा आयोगले गत वैशाख १७ गते लिएको लिखित परीक्षाको नतिजा सार्वजनिक भएको हो ।
विभागले ६ सय ६० जना एजेन्ट थप गर्न लोकसेवा आयोगले परीक्षा लिएको थियो । परीक्षामा ९ हजारभन्दा बढी परीक्षार्थीहरु सहभागी भएकोमा ८ सय ६० जनाको नाम दोस्रो चरणका लागि छानिएको विभागले जारी गरेको सूचनामा जनाएको छ ।
अब असार ५ गते १३ गतेसम्म हुने अन्तर्वार्ताबाट ६ सय ६० जनाका लागि सिफारिस गर्नेछ ।
