धनगढी । धनगढीमा भारतबाट चोरेर ल्याइएको भारतीय ८ लाख रुपैयाँ घर भित्र लुुकाएर राखेको अवस्थामा फेला पारेको छ । जिल्ला प्रहरी कायार्यलय कैलालीले धनगढी उपमहानगरपालिका १८ का ३२ वर्षीय हिरा विकले भारतको बम्बईबाट पैसा चोरी ल्याएको भन्ने सूचनाका आधारमा सो रकम फेला पारेको हो।
जिल्ला प्रहरी कार्यालय कैलालीका प्रहरी नायब उपरीक्षक वेद प्रकाश जोशीका अनुसार विकको घरको गहुँ राख्ने भकारीभित्र ८ लाख लुकाएर राखिएको अवस्थामा फेला परेको हो । यस्तै विकलाई धनगढी उपमहानगरपालिका १६ को रामपुरस्थित बाटोमा हिँडिरहेको अवस्थामा मङ्गलवार दिउँसो पक्राउ गरेको जनाएको छ ।
थप अनुसन्धानको लागि उक्त पैसा र निज व्यक्तिलाई जिल्ला प्रहरी कार्यालय कैलाली ल्याइएको छ ।
