कञ्चनपुर । जिल्लाको बेलौरी नगरपालिका–२ को कार्यालयका वडा सचिवको कार्यकक्षमा तालाबन्दी गरिएको छ । सोमबार कार्यालय समयभन्दा अगाडि नै अपरिचित समूहले वडा सचिवको कार्यकक्षमा तालाबन्दी गरेको बताइएको छ ।
शनिबारको बिदापछि आइतबारका दिन रानाथारु समुदायको तीज पर्वका अवसरमा नगरपालिकाले सार्वजनिक बिदा दिएको थियो । आज वडा कार्यालयका सचिवको कार्यकक्षमा तालाबन्दी गरिएको पाइएको हो । ताला कसले र किन लगाएको हो भन्ने विषयमा कुनै आधिकारिक जानकारी नभएकोे वडा कार्यालयले जनाएको छ । भने सोबारे अनुसन्धान गरिरहेको सुरक्षा निकायले जनाएको छ ।
पछिल्लो तीन हप्तामा मात्रै उक्त वडा कार्यालयमा तीन पटक तालाबन्दी भइसकेको छ । कोभिड राहत र गत कार्तिक महिनामा आएको बाढीले धान, तरकारी लगायतका बालीमा पु¥याएको क्षतिको राहत नपाएको तथा उक्त राहत प्याकेजमा स्थानीय जनप्रतिनिधि र कर्मचारीहरूले मनपरि गरेको आरोप लागेको थियो ।
