कैलाली । भारतमा कोरोना भाइरसको संक्रमणबाट थप सोमबार ३० जनाको मृत्यु भएको छ । सो दिन थप २ हजार ५ सय ४१ जना संक्रमित थपिएका छन् । अघिल्लो दिन अर्थात आईतबार भने २ हजार ५ सय ९३ जना संक्रमित थिए । नयाँ संक्रमितमध्ये १ हजार ८३ जना दिल्लीका मात्रै हुन् ।
दिल्लीमा केही दिनयता संक्रमण दर बढेको छ । लगातार तेस्रो दिन एक हजारभन्दा बढी केस भेटिएको छ । सक्रिय संक्रमित करिब ४ हजार जना छन् । भारतमा अहिलेसम्म ४ करोड ३० लाख ६० हजार ८६ जना संक्रमित भइसकेका छन् ।
संघीय स्वास्थ्य मन्त्रालयले भारतमा अहिले १६ हजार ५ सय २२ जना संक्रमित अवस्थामै रहेको जनाएको छ ।