बैतडी । जिल्लामा कुपोषित बालबालिकाको खोजी सुरु भएको छ । सुर्नया गाउँपालिकाले कुपोषित बालबालिकाहरुको खोजी कार्य सुरु गरेको हो ।
सुर्नयले प्रत्येक वडाका हरेक घरधुरीमा पुगेर कुपोषित बालबालिकाको खोजी गर्न लागेको गाउँपालिकाका स्वास्थ्य शाखा प्रमुख रामसिंह महराले जानकारी दिए ।
जेड स्कोरिङ विधिबाट कुपोषित बालबालिकाहरुको खोजी भइरहेको पालिकाले बताएको छ । जन्मेको ६ महिनादेखि ५९ महिना सम्मका बालबालिकाहरुको चेकजाँच गरेर कुपोषित भेटिएमा उनीहरुलाई उपचार ल्याउने गरिएको महराले बताए ।
