काठमाडौं । पशुपतिनाथ मन्दिर क्षेत्रमा नेपाली सेनाको टोली खटिएको छ । जेनजी आन्दोलन उग्र भइरहेका बेला अराजक समूह पुगेर पशुपपतिनाथ मन्दिरको ढोकामा तोडफोड गर्न थालेपछि स्थितिलाई नियन्त्रणमा लिन सेना खटाइएको हो ।
सैनिक प्रवक्ता राजाराम बस्नेतले नेपाली सेनाको टोली त्यहाँ पुगिसकेको जानकारी दिए । जेनजी प्रदर्शनकारीका अगुवाहरुले भने साँझ प्रदर्शनमा घुसपैठ भएको बताएका छन् ।
Advertisement
जेनजी प्रदर्शनकारीका अगुवाले राष्ट्रपतिले आह्वान गरेको वार्तामा बसेर समाधान निकाल्ने बताएका छन् । साथै, उनीहरुले नयाँ परिस्थिति सिर्जना भइसकेको भन्दै सरकारी सम्पत्तिमा आगजनी नगर्न आग्रह गरेका छन् ।
सोमबार भएको प्रदर्शनमा १९ जनाको मृत्यु भएपछि आक्रोशित जेनजी प्रदर्शनकारीले दोस्रो दिन आज सिंहदरबार, संसद भवन, सर्वोच्च अदालत, बालुवाटार, शीतल निवास लगायत नेताहरुका निवासमा आगजनी तथा तोडफोड गरेका छन् ।
Advertisement
प्रतिक्रिया