काठमाडौँ । राष्ट्रिय प्रजातन्त्र पार्टी संसदीय दलका नेता ज्ञानेन्द्रबहादुर शाहीले भोटेकोशी बाढीबाट प्रभावित नागरिकको उद्धार र राहतमा सबै मिलेर काम गर्नुपर्ने बताएका छन्।
प्रतिनिधिसभाको आजको बैठकमा उनले विपद्को समयमा आरोप–प्रत्यारोपमा नलागी आफ्नो पार्टीले सरकारलाई खोजी, उद्धार र राहतमा साथ दिइरहेको बताए। उनले अन्तर्राष्ट्रिय निकायसँगै राज्यका सबै तहका सरकारलाई प्रभावित नागरिकको साथमा उभिन आग्रह गरे।
Advertisement
राज्यका स्रोतसाधन परिचालन गर्ने कार्यकारी अधिकार र दायित्व सरकारसँग भएकाले विपद्को अवस्थामा सरकारले अग्रपङ्क्तिमा रहेर काम गर्नुपर्ने उनको भनाइ थियो।
यस्तो अवस्थामा सङ्घीय सरकारले प्रदेश र स्थानीय तहलाई समेत सँगसँगै परिचालन गर्नुपर्ने उनले बताए।
Advertisement
सुरुङमा अहिले पनि जीवित व्यक्ति हुनसक्ने उल्लेख गर्दै नेता शाहीले विज्ञ तथा घटनाबारे जानकारी भएका व्यक्तिको सहयोग लिएर खोजी तथा उद्धारमा जुट्न सुझाव दिए।
Advertisement
प्रतिक्रिया